Ratnagiri News Today: निकृष्ट रस्त्याच्या कामाविरोधात ग्रामस्थांचा रास्तारोको! चिपळूण गुहागर मार्गावरील मोठी वाहतूक कोंडी

रत्नागिरी : चिपळूण गुहागर मार्गावर रास्ता रोको आंदोलन करण्यात आलं. त्यामुळे या मार्गावरील वाहतूक विस्कळीत झाली आहे. या मार्गावरुन प्रवास करणाऱ्यांना वाहतूक कोंडीचा सामना करावा लागलाय. चिपळूण गुहागर मार्गावर असलेल्या रामपूर इथं ग्रामस्थांनी रास्तारोको केला. त्यामुळे या मार्गावर असलेल्या दोन्ही बाजूला वाहनांच्या लांबच लांब रांगा लागल्या. निकृष्ट दर्जाच्या रस्त्याच्या कामामुळे ग्रामस्थ आक्रमक झाले होते. संतापलेल्या ग्रामस्थांनी रस्त्याच्या ठेकेदार आणि अधिकाऱ्यांना धारेवर धरलं. दरम्यान, या रस्ता रोकोचा फटका या मार्गावरुन जाणाऱ्या वाहतूकदारांना आणि प्रवाशांना बसलाय.