VIDEO : रासपची पहिली यादी जाहीर; पाहा कोणाची लागली वर्णी

रासपने आपल्या उमेदवारांची पहिली यादी जाहीर केलेली आहे. बारामतीतून रासपचे जिल्हाध्यक्ष चोपडे यांना उमेदवारी देण्यात आली आहे. या यादीत 25 जणांची नावं निश्चित करण्यात आली आहे.

विधानसभा निवडणूक कार्यक्रम जाहीर होताच महादेव जानकर यांनी महायुतीतून बाहेर पडायचा निर्णय घेतला. त्यानंतर राष्ट्रीय समाज पक्षाने स्वबळावर विधानसभा निवडणूक लढवण्याचा निर्णय घेतला आहे. महादेव जानकर यांच्या पक्षाची सोलापूर, बारामती, परभणी, बीड, जालना सारख्या मतदारसंघात मोठी ताकद आहे. धनगर समाजाची संख्या जास्त असलेल्या मतदारसंघात महादेव जानकरांच्या पक्षाला चांगला पाठिंबा आहे. त्यानंतर आता आज रासपने आपल्या उमेदवारांची पहिली यादी जाहीर केली आहे. यात बारामतीतून रासपाचे जिल्हाध्यक्ष चोपडे यांना उमेदवारी देण्यात येणार आहे. विधानसभेला 281 जागा लढण्याचा रासपने निर्णय घेतला आहे.