MNS Vs Shiv Sena: राज साहेबांच्या नादाला लागू नका, घरात घुसून..; मनसे कार्यकर्त्याचा धमकीवजा इशारा? पाहा VIDEO

मुंबई : बीडमध्ये ठाकरे गटाच्या कार्यकर्त्यांनी राज ठाकरे यांच्या ताफ्यावर सुपाऱ्या फेकल्या होत्या. त्यामुळे राज्यभर मनसे कार्यकर्त्यांमधील वातावरण चांगलंच तापलं होतं. याला उत्तर म्हणून मनसे सैनिकांनी काल उद्धव ठाकरे यांच्या मेळाव्यादरम्यान काल गोंधळ केला. यावर आता मनसे सैनिक अविनाश जाधव यांनी तुम्ही सुपाऱ्या फेकल्या, तर आम्ही नारळ फोडू, असं म्हटलंय. तसंच उद्धव ठाकरे यांच्या ताफ्यातील गाड्या नारळानी फोडल्याचं जाधव यांनी सांगितलं आहे.

शेण मारलं गेलंय, कृपया राज साहेबांच्या नादाला लागू नका. माझ्यासारखे अनेक वेडे महाराष्ट्र नवनिर्माण सेनेत काम करतात. आदरणीय राज साहेबांच्या आदेशाचं पालन करतात. आज फक्त तुमच्या गाड्यांपर्यंत आलोय, उद्या घरापर्यंत येवू असा इशारा मनसे सैनिक अविनाश जाधव यांनी शिवसैनिकांना दिलाय. त्यामुळे राज ठाकरे यांच्याबाबतीत काही चूकीचं बोलल्यास, महाराष्ट्र सैनिक त्यांना घरात घुसून मारण्यास मागेपुढे पाहणार नाही, असा इशारा देखील जाधव यांनी दिलाय.