BMC Election : राज-उद्धव यांच्या ऐकीने भाजप-शिंदेंची धडधड वाढली; ६७ वॉर्डांत निकाल फिरणार?

BMC Election Latest Marathi News : राज ठाकरे आणि उद्धव ठाकरे हे तब्बल दोन दशकानंतर एकत्र आले. ठाकरे बंधूंच्या युतीमुळे मुंबईतील अन् महाराष्ट्रातील राजकारण बदललेय. राज-उद्धव यांच्या युतीचा मुंबईत सर्वाधिक परिणाम पडण्याची शक्यता आहे. दोघांच्या युतीमुळे ६७ जागांवर निकाल फिरण्याची शक्यता वर्तवली जात आहे. त्यासाठी २०२४ च्या विधानसभा निवडणूक निकालाचा दाखला देण्यात येत आहे. ठाकरे बंधूंच्या या युतीमुळे भाजप अन् शिंदेंची शिवसेना यांची धडधड वाढली आहे. (Thackeray brothers unity effect on BJP Shinde Sena)

ठाकरे बंधूंच्या युतीमुळे मुंबईतील 67 प्रभागांत राजकीय समीकरणे बदलण्याची शक्यता आहे. 2024 च्या विधानसभा निवडणुकीतील मतांवरून पाहता, अनेक मराठीबहुल प्रभागांत मनसे आणि उद्धवसेनेच्या मतांची बेरीज निर्णायक ठरू शकते. वरळी, माहीम, शिवडी आणि दिंडोशीसारख्या भागांत दोन्ही पक्षांचे स्वतंत्र मते एकत्र आल्यास शिंदेसेना आणि महायुतीला आव्हान निर्माण होणार आहे. त्यामुळे ठाकरे बंधूंची युती पालिका निवडणुकीत महत्त्वाची ठरणार असल्याचे चित्र आहे.