VIDEO : संविधान दाखवून राहुल गांधींनी घेतली खासदारकीची शपथ; विरोधकांनीही दिल्या 'भारत माता की जय'च्या घोषणा

प्रमोद जगताप, नवी दिल्ली | साम टीव्ही

काँग्रेसचे नेते आणि नवनिर्वाचित खासदार राहुल गांधी यांनी नव्या संसदेतील लोकसभेच्या दालनात खासदारकीची शपथ घेतली. राहुल गांधी शपथ घेण्यासाठी जात असताना विरोधी पक्षाच्या खासदारांनी भारत माता की जय अशा घोषणा दिल्या. राहुल गांधी शपथ घेण्यासाठी गेले. त्यावेळी त्यांनी हातात संविधान घेत उपस्थित खासदारांना दाखवलं. त्यांच्या या कृतीनंतर के. सी. वेणुगोपाल, अखिलेश यादव आदींनी उभं राहून बाकं वाजवली.

दरम्यान, राहुल गांधी यांनी नुकत्याच झालेल्या लोकसभा निवडणुकीत वायनाड आणि रायबरेली मतदारसंघातून विजय मिळवला होता. त्यांनी वायनाड मतदारसंघाची खासदारकी सोडली. त्याठिकाणी आता पोटनिवडणूक होणार आहे. त्या ठिकाणी इंडिया आघाडीकडून प्रियांका गांधी निवडणूक लढवणार असल्याचे सांगितले जाते.