Onion Scam VIDEO: एक लाख टन कांदा खरेदी संशयाच्या गर्तेत

नाशिकमध्ये कांदा खरेदीचा महाघोटाळा समोर आला आहे. महासंघाकडून (एनसीसीएफ) करण्यात येत असलेली कांदा खरेदी संशयाच्या भोवऱ्यात सापडली आहे. अवघ्या दोन दिवसांत सुमारे १ लाख टन कांदा खरेदी करण्यात आला आहे. शेतकरी उत्पादक कंपन्यांच्या महासंघांना सप्ताहात खरेदीस एकूण १२०० टनांचीच मर्यादा असताना एवढी मोठी खरेदी कशी केली ? तिसऱ्या आणि चौथ्या दिवशी पोर्टल का बंद होते ? एवढ्या मोठ्या खरेदीने बाजार दरात सुधारणा न होता, त्यानंतर भाव काही अंशी कमी का झाले, असे प्रश्न उपस्थित केले जात आहेत. अधिकारी काही ठरावीक व्यापारी आणि काही शेतकरी उत्पादक कंपन्यांचे एक रॅकेट तयार झाले असून, मागील काही वर्षांपासून झालेल्या हजारो कोटींचा घोटाळ्याचीही ईडी- सीबीआयकडून सखोल चौकशी होणे गरजेचे आहे. साम टीव्ही कडून घोटाळ्याचा पर्दाफाश करण्यात आला आहे.