Pune Crime : स्वारगेट बस स्टँडमध्ये शिवशाहीत महिलेवर बलात्कार, पुण्यात संतापाची लाट

Pune Crime News Update : बलात्काराच्या घटनेनं पुणे हादरले आहे. पहाटे साडेपाच वाजता स्वारगेट बस स्टँडवर शिवशाही बसमध्ये बलात्काराची घटना घडली आहे. २६ वर्षीय महिलेला एकटं पाहून अज्ञात व्यक्तेनं बलात्कार केला अन् त्यानंतर पळ काढला. मिळालेल्या माहितीनुसार, महिला पुण्याहून फलटणला निघाली होती. त्यावेळी शिवशाही बसमध्ये तिच्यावर अतिप्रसंग झाला आहे. या घटनेनंतर पुण्यात एकच खळबळ उडाली आहे.

स्वरागेट बस स्टँडमध्ये २६ वर्षीय तरूणीवर बलात्काराची धक्कादायक घटना उघडकीस आली आहे. अंधाराचा फायदा घेत अज्ञात व्यक्तीने मुलीवर बलात्कार केला, त्यानंतर तेथून पळ काढला. आज पहाटे साडेपाच वाजता ही धक्कादायक घटना घडली आहे. याप्रकरणी पुण्यात एकच संतापाची लाट उसळली आहे. विरोधी पक्ष नेत्या सुषमा अंधारे यांनी पुणे पोलिसांवर प्रश्नचिन्ह उपस्थित करत सत्ताधाऱ्यांवर टीकेची झोड उडवली. पुण्यातील महिला सुरक्षित आहेत का? असा सवाल उपस्थित करण्यात येत आहे.

केंद्रीय मंत्री मुरलीधर मोहोळ म्हणाले की, मी पोलीस आयुक्तांची यासंदर्भात बोललो आहे. आरोपीला लवकरात लवकर पकडून कठोर कारवाई करण्याच्या सूचना देण्यात आल्या आहेत.