VIDEO: ससून ब्लड रिपोर्ट फेरफार प्रकरण, विशाल अग्रवालसह ६ जणांचा जामीन अर्ज कोर्टाने फेटाळला

पुणे पोर्शे कार अपघात प्रकरणातील आरोपी मुलाच्या ब्लड रिपोर्टमध्ये फेरफार केल्याप्रकरणात मोठी अपडेट समोर आली आहे. आरोपी मुलाचे वडील विशाल अग्रवा, आई शिवानी अग्रवालसह इतर ६ जणांचा येरवडा कारागृहातील मुक्काम वाढणार आहे. या चारही आरोपींचा जामीन अर्ज कोर्टाने फेटाळून लावला आहे. त्यामुळे आता या सर्वांना येरवडा कारागृहामध्येच राहावे लागणार आहे.

कल्याणी नगर अपघातात प्रकरणी अल्पवयीन मुलाच्या रक्ताचे नमुने बदलल्या प्रकरणी विशाल अग्रवाल, शिवानी अग्रवाल, ससूनचे डॉ. अजय तावरे, डॉ. श्रीहरी हळनोर यांना पोलिसांनी अटक केली होती. या सर्व आरोपींची रवानगी येरवडा कारागृहात करण्यात आली होती. त्यांनी जामीनासाठी कोर्टामध्ये अर्ज केला होता. पण कोर्टाने त्यांचा जामीन अर्ज फेटाळून लावला.

ससून रुग्णालयातील अल्पवयीन आरोपीच्या रक्ताचे नमुने बदलणे हा गंभीर गुन्हा असल्याचे सबळ पुरावे सरकारी पक्षाकडून देण्यात आले होते, अशी माहिती विशेष सरकारी वकील शिशिर हिरे यांनी दिली. यानंतर आज पुणे सत्र न्यायालयाने विशाल अगरवाल इतर सर्व ६ आरोपींचे जामीन अर्ज फेटाळून लावले आहेत.