MPSC Student protest : एमपीएससी करणाऱ्या विद्यार्थ्यांचं आंदोलन; आंदोलकांची पोलिसांसोबत बाचाबाची, पाहा VIDEO

मुंबई : पुण्यात एमपीएससी करणाऱ्या विद्यार्थ्यांचं आंदोलन सुरू आहे. वारंवार एमपीएससी करणाऱ्या विद्यार्थ्यांच्या मागण्यांकडे दुर्लक्ष होत असल्याचं समोर आलंय. या विद्यार्थ्यांचं हे पहिलंच आंदोलन नाहीये. यापूर्वी देखील त्यांनी अनेक वेळेस आंदोलन केल्याचं समोर आलंय. आमच्या मागण्यांकडे वारंवार दुर्लक्ष केलं जातं, असा आरोप या विद्यार्थ्यांनी केलाय. त्यामुळे सरकार आणि प्रशासनाने एमपीएससी करणाऱ्या विद्यार्थ्यांच्या मागण्यांकडे लक्ष देण्याची गरज आहे.

आंदोलनादरम्यान आता एमपीएससी करणारे विद्यार्थी आक्रमक झाल्याचं दिसतंय. शास्त्री रोडवर सुरू असलेल्या एमपीएससीच्या विद्यार्थ्यांच्या आंदोलनामुळे मोठी वाहतूक कोंडी झाल्याचं देखील पाहायला मिळतंय. आंदोलनादरम्यान विद्यार्थ्यांची पोलिसांसोबत बाचाबाची झालीय.पोलिसांना विद्यार्थ्यांची गर्दी नियंत्रणात आणण्यात मोठ्या अडचणी येत आहेत. पोलिसांसोबत आंदोलन करणाऱ्या विद्यार्थ्यांनी हुज्जत घातल्याचं समोर आलंय. ही गर्दी वाढतच चालली आहे, त्यामुळे गर्दी नियंत्रणात आणणं पोलिसांसमोर मोठं आव्हान बनलं आहे.