Indrayani River: इंद्रायणी नदीला आलेल्या पूरात वाहून आले २ कंटेनर

पुणे जिल्ह्यात कालपासून पडणारा मुसळधार पावसामुळे इंद्रायणी नदीला पूर आला आहे. इंद्रायणी नदीने इशारा पातळी ओलांडली आहे. इंद्रायणी नदीच्या पाण्यामध्ये दोन लोखंडी कंटेनर वाहून आलेत. आळंदी येथील इंद्रायणी नदी पात्रावरील पुलावर लोखंडी कंटेनर अडकले आहेत. एक नारंगी आणि एक हिरवा अशा दोन रंगाचे हे कंटेनर आहेत. हे दोन्ही कंटेनर नदीपात्राजवळ ठेवले असल्याने ते इंद्रायणी नदीच्या पुरातील पाण्यासोबत वाहत आले असावे अशी शक्यता स्थानिक नागरिक व्यक्त करत आहेत. सध्या आळंदी येथील इंद्रायणी नदीवरील जुना पूल वाहतुकीसाठी पूर्णपणे बंद करण्यात आला असून नव्या पुलावरून दुहेरी वाहतूक सुरू आहे.