Pune Politics: 'आत्महत्या करण्याची वेळ आलीय!' खेडच्या प्रांताधिकाऱ्यांचे दिलीप मोहिते पाटील यांच्यावर सनसनाटी आरोप

पुणे : 'जिल्हाधिकारी आमदारांच्या सांगण्यावरुन त्रास देतात', असा गंभीर आरोप पुण्यातील खेडच्या प्रांताधिकाऱ्यांनी केलाय. पुण्याचे खेडचे प्रांताधिकारी जोगेंद्र कट्यारे यांनी दिलीप मोहिते पाटील यांच्यावर केलाय. दरम्यान या आरोपांना मोहिते पाटील यांनीही प्रत्युत्तर दिलंय. चौकशी होऊन जाऊ द्या, असं म्हणत दिलीप मोहिते पाटील यांनी आपल्यावर करण्यात आलेल्या आरोपांना उत्तर देत उपोषणाला बसण्याचाही इशारा दिलाय. विधानभवनासमोर उपोषणाला बसण्याचा इशारा मोहिते पाटील यांनी दिलाय. जोगेंद्र कट्यारे यांनी निवडणूक आयोग आणि महसुलचे अप्पर मुख्य सचिवांना पत्र लिहित माझ्यावर आत्महत्या करण्याची वेळ आली असल्याचे गंभीर आरोप केलेत.