Pune Flood : पुण्यात मुसळधार पावसामुळे पूरपरिस्थिती, नद्यांच्या पाणीपातळीत मोठी वाढ | VIDEO

पुणे धरण क्षेत्रात मध्यरात्री जोरदार वसामुळे पुणे शहरातील पाण्याच्या पातळीत मोठी वाढ झाली आहे. परिणामी मुठा नदीकाठच्या भागांमध्ये पूरसदृश्य परिस्थिती निर्माण झाली असून, प्रशासनाकडून नागरिकांना सतर्क राहण्याचा इशारा देण्यात आला आहे. पावसामुळे काही भागांत रात्रीच पाणी घरांमध्ये आणि सोसायट्यांमध्ये शिरले आहे. शहरातील काही रस्ते पूर्णतः जलमय झाले असून, अनेक वाहने पाण्यात अडकली आहेत. काही वाहनं पाण्याखाली गेल्यामुळे नागरिकांना वाहतूक आणि दैनंदिन कामांमध्ये अडचणींचा सामना करावा लागत आहे. प्रशासनाकडून नागरिकांना नदीकाठच्या परिसरात अनावश्यक फिरण्याचे टाळण्याचे आवाहन करण्यात आले आहे. पुढील काही तास हवामान विभागाने अधिक पावसाचा इशारा दिल्याने सतर्कतेचे वातावरण आहे.