Eknath Shinde News : पुण्यात मुसळधार पाऊस, मुख्यमंत्री एकनाथ शिंदे यांची मोठी प्रतिक्रिया

पुण्यात जोरदार पाऊस झाला आहे. ठिकठिकाणी पाणी साचले असून अनेक पूल पाण्याखाली गेले आहेत. साम टीव्हीशी बोलताना मुख्यमंत्री एकनाथ शिंदे म्हणाले की सकाळपासून मी पुण्यातल्या पावसाची माहिती घेत आहे. नागरिकांना सुरक्षित ठेवण्याच्या सूचना सर्व अधिकाऱ्यांना दिल्या आहेत. नागरिकांना फूड पॅकेट्स दिल्या जाव्यात आणि सुटी जाहीर करण्याचे आदेशही मुख्यमंत्री शिंदे यांनी दिले आहेत. पुण्यात गरज पडल्यास सैन्याची मदत घेतली जाईल आणि वेळ पडली तर एअर लिफ्ट करण्याचीही तयारी ठेवल्याचे शिंदे यांनी सांगितले. या सगळ्याल नागरिकांनी सहकार्य करावे असे आवाहन करत प्रशासन सज्ज आहे असेही शिंदे म्हणाले.