Pune : लग्नानंतर चारित्र्यावर संशय, क्लास वन अधिकाऱ्याने काढले पत्नीचे अंघोळीचे व्हिडीओ

Pune news, class 1 officer scandal : आंबेगाव येथे एका क्लास १ अधिकाऱ्याने पत्नीचा अंघोळीचा व्हिडिओ गुप्त कॅमेऱ्याने रेकॉर्ड करून ब्लॅकमेल केल्याची धक्कादायक घटना समोर आली आहे. पतीने घरात लपवून स्पाय कॅमेरे लावून पत्नीचे खाजगी क्षण रेकॉर्ड केले आणि व्हिडिओ व्हायरल करण्याची धमकी देत माहेरहून दीड लाख रुपये व कारचा हप्ता आणण्याची जबरदस्ती केली. ३० वर्षीय पीडितेने आंबेगाव पोलिस ठाण्यात तक्रार दाखल केली, ज्यात तिने २०२० मध्ये झालेल्या लग्नानंतर सातत्याने शारीरिक व मानसिक छळ झाल्याचे नमूद केले. दोघेही सरकारी सेवेत क्लास १ अधिकारी असूनही, पतीने पत्नीवर चारित्र्याचा संशय घेत शिवीगाळ, मारहाण आणि अपमान केला. पोलिसांनी पतीसह सासू, सासरे, दीर आणि इतर चार नातेवाइकांविरुद्ध गुन्हा दाखल केला आहे. तांत्रिक पुरावे, व्हिडिओ फुटेज आणि इतर तपशीलांची चौकशी सुरू आहे.