Pune Accident: पुण्यात अपघाताचा थरार! वऱ्हाडाच्या बसची कंटेनरला धडक; १० ते १२ प्रवासी गंभीर, पाहा VIDEO

पुणे जिल्ह्यातील खेड तालुक्यातील धामणेफाटा येथे कंटेनर आणि ट्रॅव्हल बसचा भीषण अपघात झाला. या अपघातात १० ते १२ प्रवासी जखमी झाले आहेत. तर ट्रॅव्हल बसचा चालक गंभीर जखमी झाला आहे. लग्न समारंभासाठी निघालेली ट्रॅव्हल बस धामणेफाटा परिसरातून जात असताना समोरील कंटेनर अचानक थांबल्याने बसची मागून जोरदार धडक बसली. या भीषण अपघातात बसमधील दहा ते बारा प्रवासी जखमी झाले. अपघातानंतर घटनास्थळी एकच गोंधळ उडाला. स्थानिक नागरिकांच्या मदतीने जखमींना तातडीने रुग्णालयात दाखल करण्यात आले. जखमींमध्ये अनेकांना गंभीर दुखापत झाली आहे. या अपघाताचा तपास सध्या पोलिसांकडून सुरू आहे.