Prajakta Mali : प्राजक्ता माळीच्या फिटनेसचं रहस्य स्वतःच उलगडलं, काय आहे तिचा मंत्र?|VIDEO

प्राजक्ता माळी ही एक उत्तम अभिनेत्री असून ती बिझनेसबरोबरच डान्सिंगसाठी सुद्धा प्रसिद्ध आहे. अभिनय आणि नृत्यकौशल्यामुळं तिनं प्रेक्षकांच्या मनात एक वेगळे स्थान निर्माण केले आहे. सध्या ती महाराष्ट्राची हास्यजत्रा या शोमध्ये सूत्रसंचालन करताना पाहायला मिळते.

तसेच अभिनेत्री प्राजक्ता माळी तिच्या फिटनेससाठी नेहमीच चर्चेत असते. तिने नुकताच सोशल मीडियावर स्वतःचा योगा करतानाचा व्हिडिओ पोस्ट केला आहे. त्यात तिनं चाहत्यांना योगाचे महत्त्व पटवून दिले आहे.

या व्हिडिओला तिने 'योग साधना आनंदाचं सिक्रेट' असे समर्पक कॅप्शन दिले आहे. या व्हिडिओमध्ये प्राजक्ता सूर्यनमस्कार आणि इतर योगासने करताना दिसत आहे, ज्यामुळे तिच्या फिटनेसमागील नियमित सरावाचे रहस्य उघड झाले आहे. तिच्या या पोस्टमधून ती केवळ स्वतःच्या आरोग्याची काळजी घेत नाही, तर तिच्या चाहत्यांनाही निरोगी जीवनशैलीसाठी प्रोत्साहित करत असल्याचे दिसून येते.