VIDEO: Ambernath मधील Waldhuni नदीला प्रदूषणाचा विळखा, MIDC मधून सांडपाणी

अंबरनाथ: वालधुनी नदीच्या प्रवाहावर पांढरा फेस आल्याचं पाहायला मिळत आहे. या नदीत एमआयडीसीतून सोडल्या जाणाऱ्या रासायनिक सांडपाण्यामुळे हा फेस आल्याचं बोललं जात आहे. वालधुनी नदी अंबरनाथच्या तावलीच्या डोंगरातून उगम पावते. या नदीच्या प्रवाहावर पांढऱ्या रंगाचा फेस आलाय. यापूर्वीही असे प्रकार अनेकदा घडले असून एमआयडीसीतून सोडल्या जाणाऱ्या रासायनिक सांडपाण्यामुळे वालधुनी नदीचं रासायनिक नाल्यात रूपांतर झालं होतं. मात्र अंबरनाथ पालिकेनं मध्यंतरी सुरू केलेल्या वालधुनी पुनरुज्जीवन मोहिमेद्वारे नदीतलं प्रदूषण रोखून नदीची स्वच्छता करण्यात आली होती. तर प्रदूषणकारी कंपन्यांना नोटीसही बजावण्यात आल्या होत्या. मात्र आता पुन्हा एकदा नदीच्या प्रवाहावर पांढरा फेस आल्याने या नदीत रासायनिक प्रदूषण झाल्याचं बोललं जातंय.