VIDEO: वाघनखांवरुन राजकारण रंगलं, सत्ताधाऱ्यांकडून विरोधकांचा समाचार

छत्रपती शिवाजी महाराज यांची वाघनखं आज सर्वांना पाहण्यासाठी संग्रहालयात खुली करण्यात आली. यादरम्यान वाघनखांवरुन चांगलच राजकारण रंगलेलं पाहायला मिळालं. वाघनखांवर आक्षेप घेणं म्हणजे छत्रपती शिवाजी महाराजांच्या पराक्रमाचा अपमान करण्यासारखं असं म्हणत मुख्यमंत्री एकनाथ शिंदे यांनी विरोधकांवर निशाणा साधला आहे. तर जे टीका करतात ते लंडनला गेले की कोहीनूर हिरा बघतात आणि वाघनखं बघतात पण इथे आले की टीका करतात असा टोला उपमुख्यमंत्री अजित पवार यांनी लगावला आहे. काहींच्या बुद्धीवर बुरशी आली आहे, गंज चढला आहे, ते काढायचं काम त्या वाघनखांनी करावं असं म्हणत देवेंद्र फडणवीस यांनी विरोधकांवर निशाणा साधला आहे.