BJP Video : भाजप 160 जागा लढवण्यावर ठाम ? मोठी माहिती आली समोर

भाजप विधानसभेत 160 जागा लढवणार असल्याची माहिती सूत्रांनी दिली आहे. महायुतीच्या 80 % जागांबाबत निर्णय झाला असल्याचं सुद्धा यावेळी सूत्रांनी सांगितलं आहे. 10 ते 20 नोव्हेंबर दरम्यान राज्यात विधानसभा निवडणुका होणार असल्याची शक्यता वर्तवली जात आहे. यात भाजप 160 जागा लढवणार असल्याचं बोललं जात आहे.

भाजपने गेल्या विधानसभेत 150च्या जवळपास जागा लढवल्या होत्या. यावेळी त्यापेक्षा जास्त जागा लढण्याची भाजपची तयारी आहे. त्यातून आता भाजप मित्रपक्षांना किती जागा देईल हे अजून ठरायचं आहे. लोकसभेच्या निवडणुकीत भाजपला काही चुकांमुळे नुकसान झालं होत. त्यामुळे यावेळी विधानसभेत त्याच चुका परत होणार नाही याकडे भाजप लक्ष देणार आहे. उमेदवारांना आधीच कल्पना दिली जाणार असल्यामुळं कुठेतरी लोकसभेच्या चुका टाळण्याचा प्रयत्न केला जाणार आहे. विधानसभेत भाजप 160 जागा लढण्यावर ठाम असल्याचं देखील सूत्रांनी सांगितलं आहे.