Shocking Video : कारला धक्का लागल्याने तरुण संतापला; ओला चालकाला रोडवरच आपटलं, धक्कादायक VIDEO

मुंबईच्या विक्रोळी परिसरात एक धक्कादायक घटना घडली. एका खासगी कारचालकाने ओला कारचालकाला बेदम मारहाण केली. इतकंच नाही, तर त्याला उचलून जमिनीवरही आपटलं. या घटनेत ओलाचालक बेशुद्ध होऊन पडला. त्याच्यावर रुग्णालयात उपचार सुरु आहे. हा प्रकार परिसरातील सीसीटीव्ही कॅमेऱ्या कैद झालाय.

याप्रकरणी पोलिसांनी खासगी कारचालक आणि त्याच्या पत्नीविरोधात गुन्हा दाखल केला आहे. ऋषभ चक्रवती आणि त्यांची पत्नी अंतरा अशी गुन्हा दाखल झालेल्या आरोपींची नावे आहेत. मिळालेल्या माहितीनुसार, आरोपी ऋषभ याने सुसाट वेगाने कार चालवत ओला चालकाच्या गाडीला धडक दिली.

त्यानंतर त्या ओला चालकाने भरपाई घेण्यासाठी त्या खासगी कार चालकाचा पाठलाग केला, त्यावेळी ओला चालकाचा गाडीचा आरोपी ऋषभ याच्या कारला धक्का लागला. याच गोष्टीचा राग मनात धरुन आरोपीने ओला चालकाला बेदम मारहाण केली. इतकंच नाही तर त्याला उचलून रोडवर आपटलं. सीसीटीव्ही वायरल झाल्याने ओला चालकाचा शोध घेऊन पोलिसांनी आरोपीविरोधात गुन्हा दाखल केलाय.