Police Bharati Beed News: पोलिस भरतीच्या उमेदवाराकडे उत्तेजक इंजेक्शन!

Beed Police Bharati News: बीडमध्ये सुरू असलेल्या पोलीस भरती दरम्यान एका उमेदवाराकडे उत्तेजक द्रव्याचे इंजेक्शन आढळून आले आहे. यानंतर पोलिसांनी तातडीने कारवाई करत त्याला ताब्यात घेतले असून आता या इंजेक्शनची तपासणी केली जाणार आहे. तर यासाठी अन्न व औषध भेसळ प्रतिबंधक विभागाचे अधिकारी सॅम्पल घेण्यासाठी पोलीस ठाण्यात दाखल झाले असून या आढळलेल्या इंजेक्शनची सॅम्पल मुंबई येथे प्रयोगशाळेकडे पाठवले जाणार आहेत. दरम्यान बीडमध्ये सुरू असलेल्या पोलीस भरती दरम्यान आता पोलिस यंत्रणा सतर्क झाली असून उमेदवारांच्या बॅगांचे देखील आता कसून तपासणी केली जाणार आहे.