पंतप्रधान नरेंद्र मोदी यांच्या दिवंगत मातोश्री हिराबेन यांचा एआय प्रणालीद्वारे व्हिडिओ तयार करून व्हायरल करण्यात आल्याने राजकीय वादंग पेटले आहे. काँग्रेसकडून मोदींच्या मातोश्रींचा अवमान झाल्याचा आरोप भाजपने करत संताप व्यक्त केला आहे. या प्रकरणी भाजप महिला मोर्चाकडून राज्यभर जोरदार निदर्शने करण्यात आली. मुंबईत आमदार चित्रा वाघ यांच्या नेतृत्वाखाली महिला मोर्चाने काँग्रेसविरोधात निषेध आंदोलन छेडले.
यावेळी कार्यकर्त्यांनी काँग्रेस पक्ष आणि राहुल गांधींविरोधात घोषणाबाजी करत तीव्र रोष व्यक्त केला. दरम्यान, अमरावतीतही राजकमल चौकात भाजपा महिला मोर्चाने आंदोलन करत काँग्रेसच्या भूमिकेचा निषेध नोंदवला. पंतप्रधान मोदी यांच्या मातोश्रींच्या सन्मानाला धक्का पोहोचवण्याचा हा प्रकार असल्याचे भाजपकडून सांगण्यात येत असून काँग्रेसने अशा नीच राजकारणाचा अवलंब केल्याचा आरोप करण्यात आला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.