Mini Bus Fire Case : चालकानेच केला घात, बसला आग लावली अन् रस्तावर उडी मारली, हिंजवडीतल्या बस दुर्घटनेचे CCTV फुटेज समोर

पिंपरी चिंचवडमधील हिंजवडीत एका टेम्पो ट्रॅव्हलर मिनी बसला आग लागली. यात ४ जणांचा मृत्यू झाला. बस चालकानेच घातपात केल्याचे पोलिसांनी म्हटले आहे. कमी मानधन आणि अपमानास्पद वागणूक यामुळे रागाच्या भरात जर्नादन हबर्डीकर या चालकाने बस पेटवल्याचे पोलीस तपासातून समोर आले आहे. दरम्यान या घटनेचा सीसीटीव्ही व्हिडीओ समोर आला आहे.

सीसीटीव्ही व्हिडीओमधून चालकाने कट रचल्याचे स्पष्ट झाले. चालकाने आग पेटवून चालकांने कर्मचाऱ्यांना होरपळून मारले आहे. मजूरीचं काम सांगितल्याचा राग चालकाच्या मनात होता. यासाठी त्याने प्रिटिंग प्रेसमध्ये वापरले जाणार केमिकल बसमध्ये ठेवले. नियोजनपूर्वक कट करुन बसला आग लावली. हिंजवडीला आल्यानंतर त्याने बस थांबवली आणि आग पेटवली. दरवाजा लॉक केल्याने कर्मचारी बसमध्ये अडकले. बसमधील १२ पैकी ४ जणांचा आगीमध्ये जळून मृत्यू झाला.