Shravan Somvar: परळी वैजनाथ मंदिरात श्रावण सोमवारी भाविकांची गर्दी; आकर्षक सजावट आणि विशेष पूजांनी परिसर भक्तिमय वातावरणात तल्लीन|VIDEO

श्रावण महिन्यातील तिसऱ्या सोमवारी बीड जिल्ह्यातील परळी वैद्यनाथ मंदिरात भाविकांची गर्दी पाहायला मिळाली आहे. महाराष्ट्रातील पाच ज्योतिर्लिंगांपैकी एक असल्यामुळे या मंदिराचे विशेष महत्त्व आहे. श्रावणात, विशेषतः सोमवारी येथे दर्शनासाठी भाविकांची गर्दी उसळते.

परळी वैद्यनाथ मंदिरातील व्यवस्था भाविकांच्या सोयीसाठी आणि गर्दीचे योग्य व्यवस्थापन करण्यासाठी मंदिर प्रशासनाकडून विशेष व्यवस्था करण्यात आली आहे. श्रावण सोमवारनिमित्त मंदिर आकर्षक विद्युत रोषणाई आणि फुलांनी सजवले आहे. भाविकांसाठी जलाभिषेक, रुद्राभिषेक अशा विविध पूजांची व्यवस्थाही करण्यात आली आहे.