Parbhani News : परभणी जिल्ह्यात आज कडकडीत बंद; प्रशासन अलर्ट मोडवर, काय आहे कारण? पाहा Video

अज्ञात माथेफिरुने संविधानाचा अपमान केल्याच्या निषेधार्थ आज परभणी शहरात कडकडीत बंद पाळण्यात आला. त्याचबरोबर जिंतूर रोडवरील विसावा फाटा येथे आंबेडकरी अनुयायांनी रास्तारोको देखील केला. यावेळी आंदोलकांकडून जोरदार घोषणाबाजी देखील करण्यात आली. जिंतूर जिल्हा बंदच्या आवाहनाला नागरिकांकडून उत्स्फूर्त प्रतिसाद मिळताना दिसत आहे.

परभणी शहरातील डॉ. बाबासाहेब आंबेडकर यांच्या पुतळ्यासमोर ठेवण्यात आलेल्या संविधानाच्या प्रतिकृतीची एका जणाने विटंबना केल्याने आंबेडकरी अनुयायी संतप्त झाले असून आज परभणी जिल्हा बंदची हाक देण्यात आली आहे. दरम्यान काही वेळा पूर्वी परभणी शहरातील जुन्या जिल्हा परिषद समोर जमावाने रॊडवरून जाणाऱ्या गाड्यावर दगडफेक केली. तसंच परभणी शहरातील जिंतूर रोडवर रास्तारोको करण्यात आला.