Bachchu Kadu News: पंकजा मुंडे राज्यसभेवर जाणार? काय म्हणाले बच्चू कडू?

पंकजा मुंडेंना भाजप राज्यसभेवर पाठवणार असल्याची माहिती सूत्रांकडून मिळत आहे. त्यावर बच्चू कडू यांनी प्रतिक्रिया दिली आहे. पंकजा मुंडेंना राज्यसभेवर पाठवण्यासाठी उपमुख्यमंत्री देवेंद्र फडणवीसांनी विनंती केल्याची माहिती समोर येत आहे. यावर बच्चू कडू यांची प्रतिक्रिया समोर आली आहे. स्वर्गीय गोपीनाथ मुंडे यांचे समाजात मोठ्या प्रमाणात काम आहे, गोपीनाथ मुंडे जेव्हा विरोधी पक्ष नेते होते तेव्हा त्यांनी अवघा महाराष्ट्र पिंजून काढला होता. त्यामुळे पंकजा मुंडे यांच पुनर्वसन होत असेल तर यात काही नवल नाही असं बच्चू कडू म्हणाले. पक्ष सावरला गेला पाहिजे हा प्रत्येकाचा हेतू असतो त्या दृष्टिकोनातून देवेंद्र फडणवीस यांनी अशी कारवाई केली असेल अशी प्रतिक्रिया बच्चू कडू यांनी दिली आहे.