VIDEO: आय निलेश ज्ञानदेव लंके...' इंग्रजीतून शपथ घेत निलेश लंकेंचं सुजय विखेंना प्रत्युत्तर!

नवी दिल्ली: निलेश लंके यांनी इंग्रजीतून शपथ घेत थेट सुजय विखे पाटील यांना प्रत्युत्तर दिलंय. नव्या खासदारांचा शपथविधी सोहळा संसदेत पार पडला. त्यावेळी निलेश विखे यांच्या शपथविधीवेळी त्यांनी इंग्रजीतून खासदारकीची शपथ घेतली. लंकेंनी इंग्रजीतून शपथ घेत सुजय विखे यांना एक प्रकारे प्रत्युत्तर दिल्याचं बोललं जातंय. माझ्या एवढी इंग्रजी निलेश लंकेंनी बोलून दाखवावी, असं विधान सुजय विखेंनी एकदा केलं होतं. त्याच्या या वक्तव्याला निलेश लंकेंनी आपल्या कृतीतून प्रत्युत्तर दिलंय. निलेश लंके यांनी नगरमधून लोकसभेची निवडणूक लढवत विखेंना पराभवाची धूळ चारली होती. त्यानंतर अखेर त्यांनी लोकसभा खासदारकीची शपथ घेत संसदेत प्रवेश केलाय.