Neelam Gorhe : निलम गोऱ्हेंच्या माजी ओएसडीवर गुन्हा,नोकरीचे आमिष दाखवून ९ लाख उकळले

Neelam Gorhe News : माजी मुख्यमंत्री उद्धव ठाकरे यांच्यावर गंभीर आरोप केल्यामुळे निलम गोऱ्हे सध्या राज्याच्या राजकारणात चर्चेत आहे. राज्याच्या राजकारणात गोऱ्हे यांची चर्चा होत असतानाच त्यांच्या माजी ओएसडीवर गुन्हा दाखल करण्यात आला आहे. नोकरीचे आमिष दाखवून ९ लाख रूपये उकल्याप्रकरणी गुन्हा दाखल करण्यात आला आहे.

निलम गोऱ्हे यांच्या कार्यलयातून धक्कादायक बातमी समोर आली आहे. निलम गोऱ्हे यांचे माजी ओएसडी सचिन चिखलीकर आणि त्याचा जोडीदारावर फसवणुकीचा गुन्हा दाखल झाला आहे. सरकारी नोकरीचे आमिष दाखवून ९ लाख रूपये उकळल्याचा आरोप आहे.

सचिन चिखलीकर यानं निवृत्त पोलिस अधिकाऱ्याच्या मुलाला मंत्रालयात, रेल्वेमध्ये नोकरी लावून देतो, असा आरोप आहे. सचिन चिखलीकर याला निलम गोऱ्हे यांनी नोकरीवरून काढून टाकले आहे.