Sharad Pawar : शरद पवार गटाची तिसरी यादी जाहीर; 'या' 9 उमेदवारांना मिळणार संधी | Video

शरद पवार गटाच्या राष्ट्रवादी पक्षाची तिसरी यादी आज जाहीर करण्यात आली. प्रदेशाध्यक्ष जयंत पाटील यांनी पत्रकार परिषद घेऊन यादीची घोषणा केली. यात एकूण 9 उमेदवारांच्या नावाचा समावेश आहे. तिसऱ्या यादीत बीड जिल्ह्यातील माजलगाव आणि परळी विधानसभा उमेदवारांचा समावेश आहे. यावेळी पवारांच्या राष्ट्रवादीने मंत्री धनंजय मुंडे यांच्याविरोधात परळीतून राजेसाहेब देशमुख यांना उतरवले आहे. तर माजलगावमध्ये अजित पवार यांच्या आमदार प्रकाश सोळंके यांना मोहन जगताप टक्कर देणार आहेत. तर अभिनेत्री स्वरा भास्कर यांच्या पतीला तिकीट दिले आहे. शरद पवारांच्या राष्ट्रवादी काँग्रेस पक्षाने यापूर्वी 45 उमेदवारांची पहिली यादी जाहीर केली होती. त्यानंतर 22 उमेदवारांची दुसरी यादी जाहीर करण्यात आली.

राष्ट्रवादी काँग्रेस पार्टी शरदचंद्र पवार पक्षाची तिसरी यादी

 १. करंजा - ज्ञायक पटणी

2. हिंगणघाट - अतुल वांदिले

3. हिंगणा - रमेश बंग

4. अणुशक्तीनगर - फहाद अहमद

5. चिंचवड - राहुल कलाटे

6. भोसरी - अजित गव्हाणे

7. माझलगाव - मोहन बाजीराव जगताप

8. परळी - राजेसाहेब देशमुख

9. मोहोळ - सिद्धी रमेश कदम

Edited By Rakhi Rajput