MLA Rohit Pawar : रोहित पवार यांनी घेतलं विठ्ठलाचं दर्शन; माध्यमांना प्रतिक्रिया देताना केलं हे मोठं वक्तव्य, पाहा Video

राष्ट्रवादी कॉंग्रेसचे आमदार रोहित पवार यांनी आज पंढरपूरात विठ्ठलाचे दर्शन घेतले. यावेळी त्यांनी प्रसार माध्यमांशी संवाद साधला. आमच्या विरोधात षडयंत्र वापरलं जाणार आहे, पैशांचा महापूर येणार आहे. आमच्या विरोधात मोठ्या शक्ती असल्या तरी आमच्या सोबत सामान्य जनता आणि कार्यकर्ते आहेत. त्यामुळे विधानसभेत आमचा विजय व्हावा त्यासाठी आम्हाला ताकद देण्याचं असं मागणं त्यांनी विठ्ठलाच्या चरणी घातलं असल्याचं म्हंटलं आहे. यावेळी त्यांनी महाविकास आघाडीच्या 180 जागा निवडून येतील असा दावा देखील केला आहे.

महाविकास आघाडीचं जागावाटपाचं सूत्र अद्यापही ठरलेलं नाही, याबद्दल बोलताना आज मविआच्या 250 जागांवरील उमेदवार आज जाहीर होतील, आणि उर्वरित जागांबद्दल उद्या निर्णय होईल असं रोहित पवार यांनी सांगितलं आहे. दरम्यान, महाविकास आघाडीकडून मुख्यमंत्रीपदाचा चेहरा हा निकालानंतरच निश्चित होईल, सध्या आम्हाला फक्त महायुतीच्या भ्रष्ट सरकार विरोधात लढायचं आहे, असं यावेळी बोलताना रोहित पवार यांनी म्हंटलं.

Edited By Rakhi Rajput