Supriya Sule - Harshavardhan Patil : हर्षवर्धन पाटलांसाठी सुप्रिया सुळे रिंगणात; अर्ज भरण्यापूर्वी केलं हर्षवर्धन पाटलांचं औक्षण

इंदापुरातील राष्ट्रवादी कॉंग्रेस शरद पवार यांच्या पक्षाचे उमेदवार हर्षवर्धन पाटील हे आज आपला उमेदवारी अर्ज दाखल करणार आहेत. यावेळी अर्ज भरण्यापूर्वी त्यांनी जोरदार शक्तिप्रदर्शन केलेलं दिसलं. यावेळी खासदार सुप्रिया सुळे यांनी हर्षवर्धन पाटील यांचं औक्षण देखील केलं आहे.

हर्षवर्धन पाटील यांनी काही दिवसांपूर्वीच भाजपमधून राष्ट्रवादी कॉंग्रेस शरद पवार यांच्या गटात पक्ष प्रवेश केला आहे. त्यानंतर त्यांना इंदापूर विधानसभा मतदारसंघातील उमेदवारी देण्यात आली आहे. या अनुषंगाने पाटील आय आपला उमेदवारी अर्ज दाखल करणार आहेत. दरम्यान, अर्ज भरण्यासाठी जाताना खासदार सुप्रिया सुळे यांनी स्वत: हर्षवर्धन पाटील यांचं औक्षण केलेलं बघायला मिळालं आहे. त्यामुळे हर्षवर्धन पाटलांसाठी सुप्रिया सुळे या स्वत: रिंगणात उतरलेल्या दिसल्या आहे. उमेदवारी अर्ज दाखल करण्यापूर्वी त्यांनी जोरदार शक्तीप्रदर्शन देखील केलं. इंदापुरात दत्तात्रय भरणे विरुद्ध हर्षवर्धन पाटील असा सामना रंगणार आहे. त्यासाठी हर्षवर्धन पाटील यांच्या कार्यकर्त्यांनी कंबर कसली आहे.

Edited By Rakhi Rajput