Navi Mumbai: दारूसाठी एकमेकांच्या जीवावर उठले, लाथाबुक्क्या अन् काठीने बेदम मारहाण; VIDEO व्हायरल

पनवेलमध्ये दारूसाठी दोन गट आमने-सामने आले. खांदा गावात मध्यरात्री २ वाजता वाईन शॉपवर दारू घेण्याच्या कारणावरून दोन गटात जोरदार हाणामारी झाली. लाथाबुक्क्या अन् काठीने एकमेकांना बेदम मारहाण करण्यात आली. या घटनेला निवडणुकीतील वादाची पार्श्वभूमी असल्याचंही समोर येत आहे. या हाणामारीत काही जण गंभीर जखमी झाल्याची माहिती आहे. या हाणामारीच्या घटनेनंतर परिसरात काही काळ तणावाचं वातावरण होते.

या घटनेचे थरारक व्हिडीओ समोर आला असून तो सोशल मीडियावर व्हायरल होत आहे. या प्रकरणी पनवेल पोलिसांनी आरोपींविरोधात गुन्हा दाखल करत काही आरोपींना अटक केली असून काही आरोपी अद्याप मोकाट असल्याची माहिती मिळत आहे. पनवेल पोलिस फरार आरोपींचा शोध घेत आहेत. या घटनेमुळे सध्या परिसरात तणावाचे वातावरण आहे.