Nashik Rain : गोदावरीची पूर परिस्थिती कायम, नाशिकला आजही मुसळधार पावसाचा इशारा, पाहा VIDEO

मुंबई : नाशिकमध्ये सलग चौथ्या दिवशी गोदावरीची पूर परिस्थिती कायम आहे. रामकुंड आणि गोदाघाटाचा परिसर आज देखील पाण्याखाली गेलाय. गोदा घाटावरील अनेक मंदिरांना पुराच्या पाण्याचा आज देखील वेढा कायम आहे. गेल्या चार दिवसांपासून नाशिकमध्ये जोरदार पाऊस कोसळत आहे. मात्र विसर्ग कमी करण्यात आल्यामुळे कालच्या तुलनेत पूर पातळी काहीशी कमी झालीय.

तर नाशिक जिल्ह्याला आजही मुसळधार पावसाचा इशारा देण्यात आलाय. जिल्ह्यातील २४ पैकी नऊ धरणं ओवर फ्लो झाली आहेत, तर १७ धरणांमधून मोठ्या प्रमाणात पाण्याचा विसर्ग सुरू करण्यात आलाय. सामटीव्हीच्या प्रतिनिधींनी गोदा घाटावरून पुरस्थितीचा आढावा घेतला आहे. रामकुंड आणि गोदाघाटाच्या परिसरामध्ये सगळीकडे पाणीच पाणी दिसत आहे. नागरिकांचं मोठ्या प्रमाणावर स्थलांतर देखील करण्यात आलंय. नाशिकमध्ये पुरस्थितीच्या पार्श्वभूमीवर प्रशासन सतर्क असल्याचं समोर आलंय.