Nashik Politics: नाशिकमध्ये भाजपकडून मोठी कारवाई, बड्या नेत्याची पक्षातून हकालपट्टी

नाशिक महानगर पालिका निवडणुकीदरम्यान भाजप पक्ष अॅक्शन मोडमध्ये आला आहे. नाशिकमधील एका बड्या नेत्याची भाजपने पक्षातून हकालपट्टी केली. नाशिकच्या प्रभाग क्रमांक २९ मधून भाजपशी बंडखोरी करून अपक्ष निवडणूक लढवणारे मुकेश शहाणे यांची पक्षातून हकालपट्टी करण्यात आली आहे. प्रभाग क्रमांक २९ मधून छाननीच्या वेळी मुकेश शहाणे यांचा एबी फॉर्म अवैध ठरवण्यात आला होता. त्यामुळे त्यांनी अपक्ष उमेदवारी अर्ज दाखल केला. भाजपच्या वरिष्ठ नेत्यांकडून त्यांची मनधरणी करण्याचा प्रयत्न केला. भाजपने अधिकृत उमेदवार देऊन देखील त्यांनी आपला उमेदवारी अर्ज मागे घेतला नाही. त्यांच्या या निर्णयानंतर भाजपचे शहराध्यक्ष सुनील केदार यांनी मुकेश शहाणे यांची पक्षातून ६ वर्षांसाठी हकालपट्टी केली आहे.