Nashik News: जिल्हाधिकाऱ्यांच्या दालनावर फेकले कांदे; नाशिकमध्ये शेतकऱ्यांचा संताप उसळला|VIDEO

नाशिक कांदा उत्पादक शेतकरी संघर्ष समितीच्या वतीने आज नाशिकच्या जिल्हाधिकारी कार्यालयावर आंदोलन करण्यात आले..कांद्याच्या मुद्द्यावर चर्चेसाठी आलेल्या शेतकऱ्यांच्या शिष्टमंडळाला अधिकाऱ्यांनी वेळ न दिल्याने शेतकऱ्यांनी जिल्हाधिकाऱ्यांच्या दालनासमोर कांदा फेकून आपला रोष व्यक्त केला आणि थेट जिल्हाधिकाऱ्यांच्या दालनाबाहेर कांदे फोडून आपला निषेध व्यक्त केला.

आक्रमक शेतकऱ्यांनी जिल्हाधिकाऱ्यांच्या दालनाबाहेरच घोषणाबाजी करायला सुरुवात केल्यानं पोलिसांनी आंदोलकांची धरपकड सुरू केल्याने आंदोलक आणखी आक्रमक झाले. आंदोलकांनी थेट निवासी जिल्हाधिकाऱ्यांच्या दालनाबाहेरच पुन्हा एकदा कांदे फोडले, आपल्यासोबत आणलेली शिदोरी सोडून निवासी जिल्हाधिकाऱ्यांच्या दालनाबाहेरच ठिय्या मांडून कांदा भाकर आंदोलन सुरू केल्यानं काही काळ जिल्हाधिकारी कार्यालयात गोंधळाच वातावरण निर्माण झालं होतं. गेल्या काही दिवसांपासून कांद्याच्या दरात मोठ्या प्रमाणात घसरण सुरू असल्याने बाजार हस्तक्षेप योजना राबवण्याची तसच कांद्याला उत्पादन खर्चावर आधारित रास्त भाव देण्याची मागणी शेतकरी कृती समितीने केली आहे..