Nashik : नाशिकमध्ये मुसळधार पाऊस, गोदावरी नदीत कार बुडाली; पाहा थरारक Video

नाशिकमध्ये सकाळपासून मुसळधार पाऊस कोसळत आहे. पावसामुळे नाशिकमध्ये पूरस्थिती निर्माण झाल्याचे पाहायला मिळत आहे. पावसामुळे गोदावरी नदीला पूर आला आहे. यंदाच्या हंगामातील गोदावरी नदीला पहिला पूर आला आहे. रामकुंड, गोदा घाटाचा परिसर पाण्याखाली आला आहे. रामकुंड परिसरातील अनेक मंदिरांना पुराच्या पाण्याचा वेढा लागला आहे. नाशिकमध्ये पूरस्थिती निर्माण झाल्याने एक कार गोदावरी नदीच्या पाण्यात बुडाल्याचे पाहायला मिळाले. पाण्याची पातळी वाढल्याने ही कार पाण्यात बुडाली. सुदैवाने कारमध्ये कुणीही नसल्याने जीवितहानी टळली आहे. आता कारला पाण्यातून बाहेर काढण्यासाठी प्रयत्न केले जात आहे.

नाशिकच्या दारणा धरणातून पाणी सोडले जाणार आहे. दुपारी तीन वाजल्यापासून दारणा धरणातून ११०० क्युसेक वेगाने पाण्याचा विसर्ग सोडणार असल्याचे म्हटले जात होते. धरण ५० टक्के भरल्याने धरणातून पाण्याचा विसर्ग केला जात आहे. यामुळे नदीकाठी राहणाऱ्या नागरिकांना सतर्कतेचा इशारा देण्यात आला आहे.