Nanded Video: नांदेड लातूर महामार्गावर रोखला! आरक्षणाला धक्का लागू नये म्हणून OBC समाज आक्रमक

OBC Reservation News Today: लक्ष्मण हाके यांनी सुरू केलेल्या आंदोलनाला ओबीसी समाजाचा मोठा पाठिंबा मिळत आहे. नांदेडमध्ये देखील ओबीसी बांधव आक्रमक झाले. प्राध्यापक लक्ष्मण हाके यांच्या समर्थनार्थ ओबीसी बांधव रस्त्यावर उतरले होते. नांदेड लातूर हा महामार्ग या ओबीसी बांधवांनी रोखून धरला. नांदेडच्या माळाकोळी या गावाजवळ हे हे आंदोलन सुरू आहे. ओबीसी आरक्षणाला धक्का लावू नये, प्राध्यापक लक्ष्मण हाके यांच्या मागण्या तात्काळ शासनाने मान्य कराव्यात अशी मागणी या ओबीसी बांधवांनी केलीय. गेल्या आठ दिवसांपासून लक्ष्मण हाके यांनी आमरण उपोषण सुरु केलंय. त्याला राज्यभरातून आता उत्स्फूर्त प्रतिसाद मिळतोय.