Maharashtra Politics : सीएम पदाच्या ऑफरवर पटोलेंचा यू टर्न? नेमकं काय म्हणाले?VIDEO

काँग्रेसचे नेते नाना पटोले यांच्या वक्तव्यानंतर होळीच्या दिवशी राजकीय राजकीय वर्तुळात चांगलेच रंगीन चर्चा सुरु झाली. अजित पवार आणि एकनाथ शिंदे हे मुख्यमंत्रीपदासाठी इच्छुक आहे, आणि महायुतीमध्ये नाराज देखील आहेत. त्यामुळे त्यांनी काँग्रेस सोबत यावं आम्ही त्यांना आलटून पालटून मुख्यमंत्री करू अशी ऑफर देऊन त्यांनी पक्षाचे दरवाजे उघडे केले होते. यानंतर महाविकास आघाडीमध्येच राजकीय रंग उधाळायला लागले. तसेच एकनाथ शिंदे यांनी यावर प्रतिक्रिया देत ज्यांना भगवा रंग प्रिय आहे, त्यांनी शिवसेनेसोबत यावे असा सल्ला दिला होता. मात्र आज नाना पटोले यांनी दोन्ही उपमुख्यमंत्र्यांना दिलेल्या ऑफर संदर्भात यु टर्न घेतला. नाना पटोले म्हणाले, मी काल जे काही वक्तव्य केलं होतं. ते मी गमतीने केले होते, काही लोक सिरीयस घेत असतील तर त्यांनी सिरीयस राहावं. त्यामुळे मी सुरुवातीलाच म्हटल आहे की बुरा ना मानो होली है असं म्हणून त्यांनी आपल्या वक्तव्यावर सारवासारव केली.