MVA seat Sharing : मविआत मित्रपक्षांची 40 जागांची मागणी? कोणत्या पक्षाला कुठली जागा हवीय?

MVA Seat Sharing Discussion : आगामी विधानसभा निवडणुकीत महाविकास आघाडीतील लहान घटकपक्षांना जवळपास 40 जागा हव्या आहेत. साम टीव्हीला खात्रीलायक सूत्रांनी ही माहिती दिली आहे. यात प्रामुख्यानं डाव्या पक्षांसह शेतकरी कामगार पक्ष आणि समाजवादी पक्षाचा समावेश आहे. महाविकास आघाडीच्या प्रमुख नेत्यांनी डावे पक्ष आणि समाजवादी पक्षासोबत चर्चा केली. तर शेकापचे नेते जयंत पाटील उद्या मविआच्या नेत्यांची भेट घेणार आहेत, असे कळते. घटकपक्षांकडून आलेल्या प्रस्तावावर येत्या 7 आणि 8 ऑक्टोबरला पुन्हा चर्चा होणार आहे. लोकसभा निवडणुकीत लहान घटकपक्षांमुळे मविआला यश मिळाल्याचा दावा करतानाच जागावाटप सन्मानजनक व्हावं, अशी अपेक्षा घटकपक्षांनी व्यक्त केली आहे.