पश्चिम रेल्वेची वाहतूक विस्कळीत झालीये. माहिम ते बांद्रा रेल्वे स्थानकादरम्यान तांत्रिक बिघाड झाला .ऐन गर्दीच्या वेळी पश्चिम रेल्वेची वाहतूक विस्कळीत झाल्यामुळे प्रवाशांचे हाल होत आहे. माहीम रेल्वे स्थानकाजवळील पॉईंट बिघडल्यामुळे फास्ट ट्रॅकवरील लोकल सेवेवर परिणाम झालेला पाहायला मिळतोय. एकापाठोपाठ एक लोकलच्या रांगा लागल्या आहेत. सध्या पश्चिम रेल्वेची वाहतूक १५ ते २० मिनिटे उशिराने सुरू आहे.
पश्चिम रेल्वे मार्गावरील सर्वच रेल्वे स्थानकात प्रवाशांची मोठी गर्दी झाल्याचे पाहायला मिळत आहे. तर एकाच ठिकाणी बराच वेळ लोकल थांबून राहिल्याने प्रवाशांची दमछाक झाली. या विलंबामुळे ऑफिसला जाणाऱ्या मुंबईकरांचे प्रचंड हाल झाले. यामुळे त्यांना कामावर लेटमार्क लागण्याची शक्यता आहे. तर शाळेत आणि कॉलेजला जाणाऱ्या विद्यार्थ्यांचे देखील हाल झाले. प्रवाशांना मनस्ताप तर झालाच मात्र प्रचंड गर्दीतून प्रवास करावा लागत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.