Team India victory parade : टीम इंडियाचा मोठा विजय, मोदींच्या भेटीनंतर मुंबई देखील स्वागतासाठी सज्ज, VIDEO
मुंबई : टीम इंडिया विजसाठी मुंबई सज्ज झाली आहे. मुंबईत टीम इंडियाची विजयी रॅली आयोजित केली आहे. टीम इंडियाच्या विजय रॅलीचा मार्ग हा मरीन ड्राईव्ह ते वानखेडे स्टेडिअम असणार आहे. टीम इंडियाच्या स्वागतासाठी वानखेडे स्टेडिअमबाहेर मोठ्या संख्येने क्रिकेटप्रेमी जमले आहेत. टीम इंडिया खेळाडूंना पाहण्यासाठी क्रिकेटप्रेमींनी तोबा गर्दी केली आहे. या ठिकाणी तरुणांकडून मोठ्या प्रमाणात जल्लोष केला जात आहे.
टीम इंडिया आज सकाळी ६ वाजता दिल्ली विमानतळावर पोहोचली. त्यानतंर पंतप्रधान मोदींनी टीम इंडियाची भेट घेतली. यावेळी कर्णधार रोहित शर्मा आणि मुख्य प्रशिक्षक राहुल द्रविड यांच्या हस्ते पंतप्रधान मोदींना सोपवण्यात आला.
पीएम मोदींच्या भेटीनंतर टीम इंडिया आता मुंबईला येणार आहे. टीम इंडियाची मुंबईत विजयी रॅली आयोजित केली असून ओपन बस देखील सज्ज झाली आहे. दुसरीकडे मुंबईत क्रिकेटप्रेमींनी स्टेडिअमबाहेर प्रवेश करण्यासाठी एकच झुंबड केली आहे. तर तरुणांकडून स्टेडियमबाहेर टीम इंडियाच्या घोषणांचा पाऊस सुरू आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.