Mumbai Rain: मुंबईला पावसाचा तडाखा; अंधेरीतील सबवे पाण्याखाली, रस्ते जलमय | VIDEO

मुंबईला पावसानं अक्षरश: झोडपून काढलं आहे. पश्चिम उपनगरांमध्ये जोरदार पावसामुळे अनेक ठिकाणी रस्ते जलमय झाले आहेत. अंधेरी सबवेमध्ये तब्बल पाच फूटांपर्यंत पाणी साचलं आहे. सखल भागात पाणी साचल्यामुळे वाहतुकीसाठी तात्पुरता बंद करण्यात आला आहे. मुंबई वाहतूक पोलीस आणि महानगरपालिकेच्या आपत्कालीन यंत्रणांनी घटनास्थळी धाव घेतली असून, सुरक्षिततेच्या दृष्टिकोनातून सबवेतील वाहतूक पूर्णपणे बंद करण्यात आली आहे.

मागील १५ मिनिटांपासून अंधेरी सबवे बंद असल्याने वाहनचालकांनी पर्यायी मार्गांचा वापर करण्याचे आवाहन वाहतूक पोलिसांकडून करण्यात आले आहे. त्यामुळे प्रवाशांची दमछाक उडाली आहे. पश्चिम उपनगरांतील अनेक ठिकाणी रस्त्यांवर पाणी साचल्यामुळे वाहतूक कोंडीची शक्यता आहे. त्यामुळे नागरिकांनी शक्यतो प्रवास टाळावा किंवा योग्य नियोजन करूनच बाहेर पडावे, असा सल्लाही देण्यात आला आहे.