E-Water Taxi : देशातली पहिली ई-वॉटर टॅक्सी मुंबईत; लवकरच सुरू होणार सेवा, पाहा Video

Mumbai Water Taxi : मुंबईकरांच्या सेवेसाठी आता लवकरच इलेक्ट्रिक वॉटर टॅक्सी सुरू करण्यात येणार आहे. देशातली ही पहिलीच ई-वॉटर टॅक्सी असणार आहे. वाहतूक कोंडीवर उपाय म्हणून ही टॅक्सी सुरू करण्यात आली आहे.

देशातली पहिली इलेक्ट्रिक वॉटर टॅक्सी मुंबईत धावण्यासाठी सज्ज झाली आहे. गेट वे ऑफ इंडिया ते जेएनपीटीदरम्यान ही टॅक्सी चालवण्यात येणार आहे. त्यामुळे मुंबईकरांसाठी ही अत्यंत आनंदाचीच बातमी आहे.

मुंबईत होणाऱ्या वाहतूक कोंडीवर उपाय म्हणून आता जलमार्ग वाहतूकीला चालना देण्यासाठी हा निर्णय घेतला आहे. यासाठी काही वर्षांपूर्वी वॉटर टॅक्सी आणि रोपैक्स फेरी सेवा सुरू करण्यात आली. मात्र पेट्रोल - डिझेलच्या वाढत्या किमती आणि पर्यायाने महागड्या तिकीट दरामुळे मुंबईकरांनी त्याला फारसा प्रतिसाद दिला नव्हता. याच पार्श्वभूमीवर आता इलेक्ट्रिक वॉटर टॅक्सीची संकल्पना पुढे आली आहे. या इलेक्ट्रिक वॉटर टॅक्सीची लांबी १३.२७ मीटर इतकी असणार आहे. तर रुंदी ३.५ मीटर असेल. या इलेक्ट्रिक वॉटर टॅक्सीमध्ये एकावेळी २५ प्रवासी बसू शकतील. याचा वेग १४ नॉट्स इतका असणार आहे. इलेक्ट्रिक वॉटर टॅक्सीची बॅटरी ६४ किलोवॅटची असणार आहे. म्हणजे साधारण ४ तास ही बॅटरी चालू शकेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com