राज्य सरकारच्या लाडकी बहीण योजनेचा लाभ एका बांगलादेशी महिलेने घेतला आहे. मुंबई पोलिसांनी कामाठीपुऱ्यात केलेल्या एका कारवाईनंतर ही माहिती समोर आली आहे. या कारवाईत एका बांगलादेशी महिलेसह ५ जणांना अटक करण्यात आली आहे. याशिवाय या प्रकरणात एका एजंटलासुद्धा बेड्या ठोकल्या आहेत.
राज्यात घुसखोरी करून बनावट कागदपत्रांचा वापर करत सरकारच्या लाडकी बहीण योजनेचा लाभ एका बांगलादेशी महिलेने घेतला असल्याचं उघड झालं आहे. मुंबई पोलिसांनी कामाठीपुरा परिसरात केलेल्या एका कारवाईनंतर चौकशीत ही धक्कादायक माहिती समजली आहे. या ठिकाणाहून पोलिसांनी ५ बांगलादेशींना अटक केली आहे. या ५ जणांमध्ये एका महिलेचा समावेश आहे. इतकंच नाही तर एजंटकडून बनावट कागदपत्र तयार करून या महिलेने राज्य सरकारच्या लाडकी बहीण योजनेचा लाभ देखील घेतला आहे. मुंबई पोलिसांनी या एजंटला देखील अटक केली आहे.
दरम्यान, या प्रकरणावर उपमुख्यमंत्री अजित पवार यांनी प्रतिक्रिया दिली आहे. हा प्रश्न देशात सगळकडेच उद्भवला आहे. मुंबई, पुणे, कलकत्ता, दिल्लीसारख्या शहरांत हे नागरिक येत आहेत. त्यांना शोधण्याचं काम सुरू आहे. तसंच त्यांना परत त्यांच्या देशात पाठवण्याची प्रक्रिया देखील सुरू झाली असल्याचं अजित पवार यांनी म्हटलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.