VIDEO : लोकल रेल्वेच्या तिन्ही मार्गावर आज मेगाब्लॉक, 'या' लोकल सेवा राहणार बंद!

मुंबई : मुंबईत लोकल रेल्वेच्या तिन्ही मार्गावर आज मेगाब्लॉक आहे, दरम्यान मध्य रेल्वे, पश्चिम रेल्वे आणि हार्बर रेल्वे मार्गावर आज काय वेळापत्रक असणार आहे ते जाणून घेऊयात.

'या' लोकलसेवा आज बंद राहणार

मध्य रेल्वेच्या ठाणे ते दिवा मार्गावर पाचव्या आणि सहाव्या मार्गिकेवर आज मेगाब्लॉक आहे. सकाळी 10:50 ते दुपारी 3.20 वाजेपर्यंत हा मेगाब्लॉक असणार आहे. ब्लॉक कालावधीत सकाळी लांब पल्ल्याच्या जलद लोकल धीम्या मार्गाने वळवण्यात येतील. त्याचबरोबर काही लोकलसेवा पूर्णतः बंद राहतील.

हार्बर मार्गावरील सीएसएमटी,चुनाभट्टी, वांद्रेदरम्यान रविवारी सकाळी 11.10 ते दुपारी 4.10 वाजेपर्यंत ब्लॉक असेल. वाशी, पनवेल, बेलापूर या मार्गावरील अप आणि डाऊन मार्गावर गाड्या धावणार नाहीत.

पश्चिम रेल्वे मार्गाच्या सांताक्रूझ-गोरेगाव अप आणि डाऊन जलद मार्गावर मेगाब्लॉक आहे. सकाळी 10 ते दुपारी 3 वाजेपर्यंत हा मेगाब्लॉक असणार आहे.