Mumbai Rain: मुंबईकरांसाठी पुढचे २ दिवस महत्वाचे, हवामान खात्याकडून पावसाचा इशारा

मान्सूनची आतुरतेने वाट पाहणाऱ्यांसाठी आनंदाची बातमी आहे. साऊथ वेस्ट मान्सून अंदमानात दाखल झाला आहे. मुंबईत पुढील २ दिवस हलक्या पावसाचा अंदाज हवामान खात्याकडून वर्तवण्यात आला आहे. कोकण आणि मध्य महाराष्ट्रामध्ये थंडावा असेल असं तज्ज्ञांचं मत आहे. तर विदर्भातील १० जिल्ह्यांना उष्णतेच्या लाटेचा इशारा देण्यात आला आहे. याठिकाणच्या नागरिकांनी काळजी घेण्याचे आवाहन हवामान खात्याकडून करण्यात आले आहे.

हवामान तज्ज्ञ सुषमा नायर यांनी सांगितले की, साऊथ-वेस्ट मान्सून अंदमान-निकोबारला १६ मेला दाखल झाला आहे. तो हळूहळू पुढे सरकत आहे. मान्सून मुंबईला येण्यासाठी आणखी वेळ आहे. रायगड आणि ठाण्यामध्ये वादळी वाऱ्यासह पाऊसाची शक्यता आहे. मुंबईत पुढील २ दिवस हलक्या पावसाचा इशारा देण्यात आला आहे. विदर्भातील ११ जिल्ह्यांपैकी १० जिल्ह्यांना पुढील ३ दिवसांसाठी उष्णतेच्या लाटेचा इशारा देण्यात आला आहे.'