Mumbai Hit and Run Case : मुंबईत आणखी एक हिट अँड रन; चेंबूरमध्ये काँग्रेस खासदारांच्या मुलाच्या कारची दुचाकीस्वाराला धडक

मुंबई : काँग्रेस खासदार चंद्रकांत हंडोरे यांचा मुलगा गणेश हंडोरे यांनी शुक्रवारी रात्री एका दुचाकीस्वाराला उडवून पळून गेल्याची घटना समोर आली आहे. गणेश हंडोरे हे ज्यूस हा पिण्यासाठी गोवंडीच्या दिशेने गेला होता. मात्र, परत येताना चेंबूर येथील आचार्य आणि मराठे कॉलेजजवळ गोपाळ आरोटे या दुचाकीस्वाराला धडक दिली. त्यानंतर गणेश यांनी पळ काढला.

या हिट अँड रन प्रकरणी गोवंडी पोलिसांनी गुन्हा दाखल करुन गणेश हंडोरे यांना अटक केली आहे. मात्र, त्यांची शुगर वाढल्याने त्यांना जेजे रुग्णालयात उपचारासाठी दाखल करण्यात आलं आहे. तर जखमीवर झेन रुग्णालयात उपचार सुरु आहेत. या प्रकरणी गोवंडी पोलीस पुढील तपास करत आहेत.