Mumbai Goa Highway: दिवाळीच्या गर्दीत मुंबई-गोवा महामार्ग ठप्प; माणगाव, इंदापूर परिसरात वाहनांच्या रांगा|VIDEO

मुंबई-गोवा महामार्गावर सलग तिसऱ्या दिवशीही मोठी वाहतूक कोंडी निर्माण झाली आहे. दिवाळीच्या पार्श्वभूमीवर मुंबई आणि पुण्यातील कोकणवासी मोठ्या संख्येने गावाकडे रवाना होत आहेत. त्यामुळे महामार्गावरील माणगाव आणि इंदापूर शहर परिसरात वाहनांच्या मोठ्या रांगा लागल्या आहेत. वाहनांचा वाढता ताण आणि अरुंद रस्त्यामुळे वाहतूक कोंडी अधिक झाली असून, माणगाव शहरात पोलिसांना कोंडी सोडवण्यासाठी अक्षरशः दमछाक होत आहे. वाहतूक कोंडीमुळे कोकणवासीयांच्या प्रवासात विलंब होत असून, मोठ्या गैरसोयीचा सामना करावा लागत असल्याने प्रवाशांनी संताप व्यक्त केला आहे. तसेच सोशल मीडियावर व्हिडिओ पोस्ट करत सरकारला जाब विचारला आहे