मुंबईत भरवस्तीत बिबट्या, अंधारातच केली शिकार, CCTV VIDEO व्हायरल

मयूर राणे, मुंबई , साम प्रतिनिधी

मुंबईतील मुलुंड पश्चिम येथील सरदार तारासिंग उद्यानाजवळ असलेल्या साई प्रस्थ येथे बिबट्या आल्याने स्थानिक नागरिकांमध्ये भितीचे वातावरण निर्माण झाले आहे. रात्री उशिरा बिबट्याने संजय गांधी राष्ट्रीय उद्यानातून साई प्रस्थ येथे येऊन कुत्र्याची शिकार केली. या भागात असलेल्या सीसीटीव्हीमध्ये बिबट्या दिसून आल्याने आता नागरिकांची झोप उडाली आहे.

संजय गांधी राष्ट्रीय उद्यानाला अनेक ठिकाणी संरक्षक भिंत नसल्याने अनेकदा शिकारीच्या शोधात बिबटे नागरी वस्तीत येतात. घाटकोपर ते मुलुंड या भागात अनेकदा बिबट्यांनी नागरिकांवर जीवघेणे हल्ले केले आहेत.

साई प्रस्थ येथे आलेल्या बिबट्याने कुत्र्याची शिकार केल्याचे सीसीटीव्हीत दिसून आले आहे. मात्र त्या ठिकाणी रात्री अपरात्री एखादी व्यक्ती असती तर त्याची शिकार झाली असती, अशी भीती व्यक्त केली जात असून, परिसरात प्रचंड दहशत पसरली आहे.

क्लिक करा आणि बघा व्हिडिओ