Ladki Bahin Yojana : लाडकी बहीण योजनेसाठी आठवड्याला 3 हजार कोटींचं कर्ज?

Ladki Bahin Yojana : 'मुख्यमंत्री माझी लाडकी बहीण' योजनेअंतर्गत अर्ज करण्याची मुदत ३० सप्टेंबरला संपली आहे. आतापर्यंत राज्यातील दोन कोटी ५२ लाख एक हजार ९१५ महिलांनी योजनेच्या लाभासाठी अर्ज केले असून त्यातील दोन कोटी ४१ लाख ३५ हजार ६५७ महिलांचे अर्ज मंजूर झाले आहेत. लाभार्थी महिलांना दरमहा तीन हजार ६२० कोटी ३५ लाख रुपये द्यावे लागणार आहेत.या योजनेसाठी दरवर्षी ४३ हजार ४४० कोटी रुपये मोजावे लागणार आहेत. त्यासाठी सरकारकडून आठवड्याला 3 हजार कोटींचं कर्ज घ्यावे लागत असल्याचे समोर आलेय.

महायुती सरकारकडून राज्यातील महिलांसाठी लाडकी बहीण योजना सुरु करण्यात आली. प्रत्येक महिलेला महिन्याला १५०० रुपयांचे अर्थसाह्य करण्यात येते. यावरुन विरोधकांनी टीके केली. गडकरी यांनीही सरकारचे कोन टोचले होते. आता या योजनेसाठी सरकारला आठवड्याला तीन हजार कोटी रुपये लागणार असल्याचे समोर आलेय.